Spjaldtölvur og snjallsímar
Uppsetning og aðstoð með spjaldtölvur og snjallsíma.
Tækniaðstoð fyrir eldri borgara
Ég býð upp á persónulega tækniaðstoð við tölvur, snjallsíma, spjaldtölvur, internetið, samfélagsmiðla og fleira. Ég er Rafeindavirki og Tölvunarfræðingur með víðtæka reynslu.
• Heimsóknargjald (30 mínútur innifaldar): 6.000 Kr.
• Er oftast við símann:
mánudaga – fimmtudaga: 17:30–21:00
laugardaga og sunnudaga: 10:30–16:00
Símsvari þess utan.
Um mig
Ég heiti Einar Ársæll Hrafnsson og hef starfað við rafeindaþjónustu, tölvumál og upplýsingatækni í yfir 30 ár. Er menntaður Rafeindavirkjameistari og Tölvunarfræðingur. Ég ræði tæknimál á skiljanlegri íslensku. Finnst mjög gefandi að geta reddað smávandamálum og tala nú ekki um ef mér tekst að hjálpa fólki að verða sem mest sjálfbjarga í notkun á tæknilegum tólum.
Tækniaðstoð í boði
Tölvur og tölvupóstur
Aðstoð með tölvur og tölvupóst (netfang), lykilorð og fleira.
Nettengingar
Aðstoð við internettengingar, netvandamál og þráðlaus net (WiFi).
Tengingar á tækjum
Aðstoð við tengingar á ýmsum tækjum við tölvur, t.d. prentara, skanna, lyklaborð og mýs.
Ýmislegt annað
Aðstoð við allskyns tæki og tæknimál almennt. Víðtæk reynsla.
Algengar spurningar
Hvaða svæði er þjónustað?
Heimsóknir eru í boði á höfuðborgarsvæðinu. Símaaðstoð og fjaraðstoð er í boði hvar sem er.
Hvað má búast við að heimsókn taki langan tíma?
Það fer eftir umfangi hverju sinni. Það kemur oft á óvart hvað hægt er að gera mikið á þeim hálftíma sem innifalinn er í heimsóknargjaldinu. Stilla ýmislegt, tengja eitthvað tæki. Taka út hvað þarf að gera.
Fæ ég reikning?
Já — að sjálfsögðu. Hér er allt eins og á að vera. Reikningurinn kemur frá fyrirtækinu Sérlausnir ehf. sem er félag í minni eigu. Reikningurinn er sendur með tölvupósti innan tveggja virkra daga.
Hvernig greiði ég?
Það er hægt að greiða á ýmsan hátt:
• með millifærslu
• með peningum
• með greiðslukorti (er með posa)
• með greiðslukorti í gegnum heimasíðu
Dæmi um verkefni
Hér eru nokkur dæmi um það sem aðstoðað hefur verið með.
• Viðskiptavinur með nýja tölvu. Var í vandræðum með að tengja prentarann við hana. Því var reddað.
• Einhver óprúttinn hafði komist inn hjá viðkomandi og rótað í öllu. Búið að rífa nokkur tæki úr sambandi og hvorki tölvur né sjónvarp virkaði eins og til var ætlast. Farið var yfir tengingar á tækjum og tengt eins og þarf að vera. Stillingar skoðaðar þannig að tölvur, net og sjónvarp virkuðu.
• Stýrikerfið í tölvu viðskiptavinar uppfært úr Windows 10 yfir í Windows 11.
• Apple TV hjá viðskiptavini hafði af einhverjum sökum alveg núllstillt sig. Allt sett upp frá grunni. Öll öpp sem voru áður í notkun sett upp og stillt þannig að allt virkar vel.
• Netflix aðgangur settur upp í sjónvarpi og síma viðskiptavinar.
• Stillingar á prentara lagaðar ásamt því að lagfæra heimasímasamband hjá viðskiptavini. Stuðningur við Windows 10 stilltur á framhald til að gefa viðskiptavini svigrúm til að íhuga tölvukaup.
• Viðskiptavinur með nýja tölvu. Hjálpað til við að kaupa áskrift að Office pakka. Hann settur upp í tölvu. Tölvupóstur settur upp í Outlook og stilltur rétt.
• Nýr router frá Sýn settur upp hjá notanda. Tölva stillt til að ná sambandi við þráðlaust net.
• Windows 10 skráð í áframhaldandi stuðning til að gefa viðskiptavini svigrúm til að finna hentuga tölvu til að taka við af þeirri gömlu.
• Póstforrit sett upp í tölvu viðskiptavinar og allt látið virka þannig póstur skili sér í bæði síma og tölvu.
• Aðstoð við að skipta um greiðsluupplýsingar í Netflix í sjónvarps appi. Nokkrar myndstillingar í sjónvarpi lagaðar svo fari betur í augu viðskiptavinar.
• Hjálp við að tengja þráðlaust lyklaborð og mús við nýja tölvu. Uppsetning á iCloud og OneDrive í tölvunni.
• Þráðlaus tenging við prentara hafði hætt að virka eftir að skipt var um internetveitu. Allt stillt svo færi að virka aftur.
• Aðstoð við að setja efni inn á samfélagsmiðla.
• Sími yfirfarinn. Uppfærsla sett inn. Sambandsleysi í snúru við sjónvarp athugað og lagfært.
• Aðstoð við að koma efni inn til fjölmiðla á réttu formi.
• Tveir nýir símar á heimilinu. Aðstoð við að stilla þá, tengjast samfélagsmiðlum og gera tölvupóst kláran.
• Aðstoða við stillingar á 4 símum á heimilinu. Uppsetning á tölvupósti og samfélagsmiðlum. Aðstoð við að setja upp Auðkennis appið (rafræn skilríki).
• Í heimsókn til viðskiptavinar kom í ljós að þráðlaust netsamband í húsinu var frekar slappt. Húsið stórt og bara einn netpunktur frá þjónustuveitanda. Farið var í að finna hentugan búnað, setja hann upp og stilla tæki þannig gott netsamband næðist um allt hús.